【粵語】《酒窩殺人事件》 8 PhaYo Part
-------------------------------------------
我喺一個唔紅噶模特兒，接唔到上得檯面噶Job，只能每日返公司打卡搵存在感。
喺我經過已經路過無數次噶暹羅廣場時，我聽到一個街頭賣唱藝人有趣噶開場白，我終於停下我噶腳步，企喺人群外。
佢話：“我叫阿YO，我今朝凌晨四點坐咗一班從清邁飛到曼谷噶廉價飛機，我懵盛盛咁跟住人群行出機場，帶住我噶木吉他坐上一班巴士，架巴士真係好逼，我坐咗兩個站就頂唔順想嘔，然後，我黎到呢度…”
佢唱咗一首歌，彈住木吉他。
歌詞講述一場暗戀，佢系中一噶時候愛上咗一個男仔，第一次見到佢系喺學校門口噶路邊攤，個男仔買左一串魚旦企喺街邊食緊，佢好高，遙不可及，終於有一日佢鼓起勇氣想同呢個男仔表白，但無意之中聽到個男仔話：琴日落課隔離班個男同學同佢表白真係好核凸，用黎表白噶memo紙隨風飄去，佢個心亦都跟住破碎。
觀眾聽到入曬神，眼濕濕，手震震，唱到最後佢笑住甘講。
“時光飛逝，張memo紙寫住乜嘢我一D映象都無，但系我宜家仲記得佢噶學號。”
旋律不太動人，歌詞亦唔夠文藝。
全場都系度笑，但系我皺住眉，壓低咗帽簷，我挪出啱啱系7仔買野噶賬單喺背面寫咗呢幾句：You're the best for me .Always and forever.然後丟入佢個吉他盒入面，轉身行入地鐵站。
你當時張memo紙寫住[You're the best for me .Always and forever.]
果晚坐系曼谷民宿噶阿Yo打開吉他盒數佢今日噶收入，佢見到一張皺到面目全非噶廢紙，鬧左一句無公德心就隨手將佢丟左入垃圾桶。
過左三個月零之後，我接左一個代言眼鏡噶Job，然後，唔知點解突然紅咗。
從此，我唔再喺阿喂阿水同阿邊個，開始有人知道我個名叫Pha。我依然堅持每日五點整經過暹羅廣場，雖然阿Yo噶出現完全喺睇心情。
但只要佢出現，我就會將中午喺7仔買車仔面噶賬單留下一句丟入佢個吉他盒。
我越來越忙，IG噶粉絲越來越多，我識咗兩個好有個性噶模特兒朋友，一個系溫柔低調擁有龐大粉絲團噶Forth，一個系不務正業噶二世祖Ming。
我將阿Yo噶事講咗比佢哋聽，佢哋一致回復咗四個字【人慫錢多】。到後來只要我提起阿Yo，佢哋就會用呢四個字回復我。
偷睇阿Yo第306日噶下午五點整，我將自己包到好似阿拉伯人咁企喺暹羅廣場噶街頭，我好想衝上去直接將meno紙遞俾佢，但我嘆左口氣，再次將佢丟入吉他盒。
轉身跑上停喺路邊等我噶保姆車上，心煩意亂，打開聊天室。
【偷睇阿Yo噶第306日】
【今日依然唔夠膽親手將表白噶紙條遞俾佢】
【阿Yo今日100%可愛】
我瘋狂刷屏，結果果兩位好友依然非常孤寒咁回復慣例的四個字。
偷睇阿Yo第310日噶下午五點整，今日夜晚無Job，我買左罐碳酸飲料坐喺路邊，阿Yo今日著得好可愛，就好似一個鋼琴小王子黎彈吉他咁。
佢噶開場白依然咁特別。
“我最近次次都收到一個疑似瘋狂Fans噶留言，上面寫住[You’rethe best for me .Always and forever]，我當時見到呢句話起咗一身雞皮，咩年代啊？仲forever…喺我想將佢丟入垃圾桶噶時候，我個腦突然閃過一D片段，原來呢句話喺我當年寫喺Meno紙查咗一晚英文字典噶果句…”
阿Yo今晚唱咗一首新歌，開頭喺呢幾句：
我又有心事 自從收到Meno紙
我問誰 誰都不會在意紙上的句子
因為這一句英文實在太幼稚
…
我知道我自己已經忍唔住了，我唔得閒理會舉住手機直播緊噶圍觀觀眾，我只想行過去，抱住佢，然後喺佢耳邊輕輕一句：思念成災。
點知我俾佢推開咗，然後狠狠咁一腳飛咗埋黎，我措手不及噶薯樣應該已經俾身後噶各位Live博主捕捉到。
“衰人！你有本事一世唔好同我講嘢！”
“你淡定D先~”
“你一早認出我做咩唔同我講啊！”
“我…我要確定你喺咪仲鐘意我啊嘛…”喺佢再次舉起小拳頭之前我終於投降明智咁道歉。
“所以你喺等我開口先？車…”Yo皺住眉咁控訴佢一D面都唔俾佢。
“去食壽司？”
“食乜壽司，閃開！睇唔到我D Fans等緊我唱歌咩！”
“你可以等陣唱俾我聽~”
“…”
觀眾睇住呢一幕睇到面懵懵一舊云。
Pha當晚勝胜追擊，即刻將阿Yo拉入聊天室，畢竟果位有經驗噶二世祖都系咁操作的。
從此以後佢要[人慫錢多]徹底滾出呢個聊天室。
-TBC-
评论(12)