MingKit<回到中學的暑假>-全粵語
中學時期噶Ming帶住牙套，身高亦唔達標。
喺中一升中二暑假果年，俾朋友仔叫返學校睇籃球比賽，當時球場上奔馳噶身影裡面有一個尤其突出，佢唔喺好高，唔似其他球員咁陽光硬朗；佢好白淨，喺一片充滿殺氣噶眼神入面，佢笑得好Q好得意，臉上有兩個窩。後來聽到一首老歌叫梨渦淺笑之後，先知道果對叫梨渦，淺笑。
籃球拍打喺地面噶聲音同自己唔太正常噶心跳融合喺一齊，第一次見到心儀的他，就系喺呢一年的暑假。
大Ming一屆，但又可愛到犯規的他。
因為這個他，佢就同帶住眼鏡噶朋友仔系球場邊企左足足兩年。身邊都系已經開始打扮自己噶同學仔，佢兩個就好似企錯隊伍噶憨居仔。
無意之中，知道咗師兄噶名叫Kit，佢D朋友好鐘意攞佢個名黎開玩笑，Kit Kat或者系Kitty。
然後Ming就迷上咗食Kit Kat，其實佢一D都唔鐘意食甜野，但喺又鐘意Kit Kat。
偶然喺路上見到櫥窗展示噶Hello Kitty公仔，佢都會無端駐足欣賞，雖然佢完全睇唔明呢個公仔噶眼耳口鼻究竟系邊。
師兄畢業之前，佢曾經系圖書館撞過佢一次，佢果日著住一件白色噶T恤，Ming到宜家都記得件衫系咩牌子，隨手攞左一本《安装工程计量与计价》，扮曬認真咁坐系佢對面。
翻一頁，抬頭望一眼。
路過噶女仔專登行到好慢，但又唔敢喺圖書館喧嘩搭訕。
Ming埋頭喺果本《安装工程计量与计价》裡面，反復睇住果句“工程造价的含义”。
嚴重到連師兄走咗二十分鐘都傻間間唔知道。
後來師兄畢咗業，而Ming再無去過學校噶球場同圖書館。
升上中三，Ming除低牙套，開始長高，快畢業噶時候佢已經從一個默默無聞噶二打六變成咗韓劇男主角，身邊圍滿女仔。
果D女仔會用喜歡你做開場白，又用你根本唔在乎我拉下帷幕。
一二三四五六七八九十十一十二十三十四次的戀愛體驗都系同一種收場…
直到第十五個，佢問我你喺咪鐘意左第個？
果刻我先知道，我唔喺鐘意左第個，而喺鐘意噶始終都系果個。
後來這第十五段感情結束喺準備升大學的暑假。
升大學，Ming毫不猶豫甘撿左工程學，可能同果本喺圖書館睇左一個下午噶《安装工程计量与计价》有關吧。一年級，無端端俾人推選去參加咩校之月比賽，一堆人圍住學跳舞，學足幾個星期，真係無聊到無朋友。
但估唔到再次見返Kit就喺呢度。
果日喺同平時一樣，一個普通噶校之星月訓練營噶中場休息時間，Kit著住一件藍色噶長袖衛衣行過，叫走咗我中學至今噶朋友仔，我無辦法形容呢種感覺，我好似有D…想喊，心臟就快爆炸，但我只系夠膽將自己收埋喺窗簾布後面，偷偷咁望佢。
第二次見到佢我say左個Hi，然後轉身為朋友仔出氣。
第三次，我終於忍唔住行埋去，問佢叫咩名，然後用Kit Kat呢個可愛噶花名將佢激到當場爆粗。
無聊噶比賽突然變得好有意義。
原本隨便參加噶心態已改變，就連跳果個有少少弱智噶舞都開始變得尤其認真。
我要贏。
我要再同佢去食粉。
-END-
评论(17)